Мөнхийн цэцэг

..Улирч өнгөрсөн урьдын цагт биш
Ухаан сийлэх манай л үед гэнэ
Дэлхий байгалийн үзэсгэлэн бүрдсэн
Дэлгэр баян талынхаа дунд гэнэ
Аялгуу дуу бадран түгсэн
Ард олныхоо баясгалан дунд гэнэ
Хайрт эхээсээ цувран төрсөн
Хань ижил гурван хөвгүүн
Хатуу өвлөөс хагацаж салахдаа
Хаврын цагтай ханилж золгохдоо
Өглөө болгон өрсөн бодож
Өдөр болгон өдөөн хэлэлцэж
Талын салхинд өртөж хийсэхгүй
Тасхийм хүйтэнд өмийж хөлдөхгүй
Үүрдийн настай мөнхийн цэцгийг
Үүсгэн тарихыг мөрөөдөн сэджээ...

монгол