Ухаан далай номоос эхтэй 2

Байгаль нийгмийн элдэв үзэгдлийг танин мэдрэх аугаа хүчин нь үгээр урлахуйн гайхамшиг юм. Энэ гайхамшгийн нууцад нэвтэрснээр ирээдүйгээ сайн сайхнаар төсөөлөн харах болно. Түүнчлэн дэлхийн хөгжлийн түвшинтэй зэрэгцэн алхах, ард түмний сонгодог түүх соёлыг ч үгийн гайхамшигт бүтээл болох уран зохиолоос олж мэддэг билээ. Дэлхийн болон монголын сонгодог зохиол бүтээлийн цуглуулга болсон энэ ном та бүхний нүдийг нээж, сонорыг мялаан оюуны царааг тань тэлэх болтугай. Энэ удаагийн цувралд Д.Цэвэгмид 'Алагдай аварга', 'Болд Самбуу хоёр', 'Сурагч Ганбат', 'Хоньчин Найдан', 'Хун шувуу бодон гахай хоёр', Л.Бадарч 'Балдан Галдан хоёр', 'Суудаг гүйдэг хоёр', 'Чамин өлгүүр', 'Чулуун арслангийн хэрэг', 'Хамгийн сайн найз', 'Хүжийн гал', Ц.Мөнх 'Банхар', 'Шуурга', 'Хос цагаан хун', Ц.Дамдинсүрэн 'Морь шинжээч Жомбоо хүү', 'Өчүүхэн дөрвөн үлгэр' зэрэг үргэлжилсэн үгийн зохиол, А.С.Пушкин 'Алтан загасны үлгэр', Х.Х. Андерсен 'Нугасны муухай дэгдээхий', И.А.Крылов 'Чоно хурга хоёр', И.С.Тургенев 'Муму', Шарль Перо 'Улаан малгайт', Шидэт хүүрийн үлгэр зэрэг гадаадын уран зохиолын дээжээс орж байна.

монгол